Κύριε Ἰησοῦ Χριστέ ὁ Θεός ἡμῶν, Υἱέ καί Λόγε τοῦ Θεοῦ τοῦ ζῶντος, ὁ τῇ ἐπιφοιτήσει τοῦ Ἁγίου Πνεύματος τόν ἠγαπημένον ἀπόστολόν σου Ἰωάννην φωτίσας, καί εὐαγγελιστήν τῆς ἀκραιφνοῦς πίστεως πάσῃ τῇ οἰκουμένῃ καταστήσας· οὗ ταῖς ἱκεσίαις καταυγάσας, διά τῆς χάριτός σου, τάς ψυχάς ἡμῶν, συντήρησον ἡμᾶς ἐν τῷ θείῳ σου λόγῳ ταῖς ἱεραῖς νομοθεσίαις σου, καί ὅλον τόν ἐπώνυμόν σου λαόν, οὕς δι’ αὐτοῦ εἰς τήν αὐλήν τῶν ἐπιγινωσκόντων σε ἐν ἀληθείᾳ συνῆξας, καί τῇ ὁλοκληρίᾳ τοῦ μυστικοῦ σώματος τῆς Ἐκκλησίας, ἧς ἡ κεφαλή σύ ὑπάρχεις, καταρτίσας, συνάρμοσον, καί γαληνιαίαν ζωήν πᾶσι βράβευσον, τούς δέ τά σκάνδαλα καί τάς διχοστασίας ποιοῦντας, ἤ διόρθωσον, ἤ μακράν ἀφ’ ἡμῶν ἀπέλασον· ὅπως ἐν εἰρήνῃ καί ὁμονοίᾳ διάγοντες, τήν τῆς ἄνω Ἱερουσαλήμ, ἐν ᾗ αὐτός νῦν κατοικεῖ, ἀνάπαυσιν καταξιωθῶμεν τῷ ἐλέει σου οἰκῆσαι. Ὅτι εὐλογητός εἶ εἰς τούς αἰῶνας. Ἀμήν.
ΠΗΓΗ: ΜΕΓΑ ΠΡΟΣΕΥΧΗΤΑΡΙΟΝ Α. ΣΙΜΩΝΩΦ. ΕΚΔΟΣΕΙΣ ΒΑΣ. ΡΗΓΟΠΟΥΛΟΥ.
