Κύριε παντοκράτορ ὁ Θεός ἡμῶν, ἀγαθέ καί φιλάνθρωπε, ὁ διά τῆς χάριτος τοῦ Ἁγίου Πνεύματος Ἰωάννην τόν ἀπόστολον τά τῆς ὑψηλῆς θεολογίας ἀπόρρητα μυστήρια διδάξας, καί δι’ αὐτοῦ τούς ἐν σκότει ἀπιστίας διάγοντας, πρός τό φῶς τῆς σῆς θεογνωσίας καί πίστεως χειραγωγήσας· οὗ ταῖς εὐπροσδέκτοις πρεσβεῖαις δώρησαι καί ἡμῖν, δεόμεθά σου, χάριν, ἵνα μή μόνον ἀκροαταί τῶν εὐαγγελικῶν διδαγμάτων ὦμεν, ἀλλά καί ποιηταί αὐτῶν· καί ταῖς λαμπραῖς ἀκτῖσι τοῦ θείου σου Λόγου καταυγασθέντες, περιπατῶμεν οὐκ ἐν τῷ σκότει, ἀλλ’ ἐν τῷ φωτί τῆς θεογνωσίας, μηδέ πειθώμεθα ταῖς βεβήλοις κενοφωνίαις, καί ἀντιθέσεσι τῆς ψευδωνύμου γνώσεως, ὅπως κατά τό θέλημά σου ζῶντες, καί τήν σεβάσμιον μνήμην αὐτοῦ ἐτησίως ἐπιτελοῦντες, καταξιωθῶμεν τῷ ἐλέει σου τῆς μακαρίας καί ἀϊδίου ζωῆς ἀπολαῦσαι. Ὅτι εὐλογητός εἶ εἰς τούς αἰῶνας. Ἀμήν.
ΠΗΓΗ: ΜΕΓΑ ΠΡΟΣΕΥΧΗΤΑΡΙΟΝ Α. ΣΙΜΩΝΩΦ. ΕΚΔΟΣΕΙΣ ΒΑΣ. ΡΗΓΟΠΟΥΛΟΥ.
