Κύριε Ἰησοῦ Χριστέ ὁ Θεός μου, ἀγαθήν ἡμέραν δός μοι, ἀναμάρτητον καί ἄσπιλον. Κύριε, μή ἀποστῇς ἀπ’ ἐμοῦ. Κύριε, ἔκτεινόν μοι χεῖρα βοηθείας. Κύριε, στήριξόν με εἰς τόν φόβον σου. Κύριε, ἐμφύτευσον αὐτόν καί τήν ἀγάπην σου εἰς τήν καρδίαν μου. Κύριε, δίδαξόν με τοῦ ποιεῖν τό θέλημά σου. Κύριε, δός πένθος τῇ καρδίᾳ μου καί ταπείνωσιν. Κύριε, δός μοι κλαυθμόν διηνεκῆ, καί κατάνυξιν καί μνήμην θανάτου. Κύριε, ἐλευθέρωσόν μέ ἀπό παντός πειρασμοῦ ψυχικοῦ τε καί σωματικοῦ. Κύριε, δίωξον ἀπ’ ἐμοῦ πάντα ῥυπαρόν λογισμόν, καί πάντα διαλογισμόν αἰσχρόν καί ἀνυπόστατον. Κύριε, ἐξάλειψον ἀπ’ ἐμοῦ τήν ἀμέλειαν, τήν ῥαθυμίαν, τήν λύπην, τήν λήθην, τήν ἀναισθησίαν, τήν πώρωσιν καί τήν αἰχμαλωσίαν τοῦ νοός μου. Κύριε, ὡς οἶδας καί ὡς θέλεις, ἐλέησόν μέ καί συγχώρησον πάσας τάς ἀνομίας μου· καί ἐν ἡσυχίᾳ, ἐν μετανοίᾳ ἀγαθῇ, ἐν ἐξομολογήσει συναδιστάκτῳ, καί ἐν πίστει καθαρᾷ καί ἀμωμήτῳ, εὐδόκησον ἐξελθεῖν τήν ἐλεεινήν μου ψυχήν ἀπό τοῦ ἀθλίου τούτου σώματος. Ἀμήν.
ΠΗΓΗ: ΜΕΓΑ ΠΡΟΣΕΥΧΗΤΑΡΙΟΝ Α. ΣΙΜΩΝΩΦ. ΕΚΔΟΣΕΙΣ ΒΑΣ. ΡΗΓΟΠΟΥΛΟΥ.
