Κύριε παντοκράτορ ὁ Θεός ἡμῶν, εὔσπλαγχνε καί πολυέλεε, ὁ τό ἀπ’ αἰῶνος κεκρυμμένον μυστήριον τῆς σωτηρίας ἡμῶν σήμερον διά τοῦ ἀρχαγγέλου Γαβριήλ εὐδοκήσας τῇ ἀειπαρθένῳ Μαρίᾳ ἀποκαλύψαι, ἧς ταῖς εὐπροσδέκτοις πρεσβεῖες, ἀξίωσον , δεόμεθά σου, τάς τε καρδίας καί τά σώματα ἡμῶν ἐν ταῖς ὀδοῖς τῶν νόμων σου, καί ταῖς ἐργασίαις τῶν ἁγίων σου ἐντολῶν διευθύνειν, ἁγιάζειν τε καί διοικεῖν· καί καθάπερ τῇ τοῦ Ἁγίου σου Πνεύματος ἐνεργείᾳ τήν ψυχήν καί τό σῶμα αὐτῆς ἡγιάσας καί ἄξιον κατοικητήριον τοῦ μονογενοῦς σου Υἱοῦ ἡτοίμασας γενέσθαι, οὕτω καί τάς ἡμετέρας συνειδήσεις ἐπισκεπτόμενος, κάθαρον, ἵνα ἐλθών αὐτός ὁ Κύριος ἡμῶν, ἕτοιμον ἑαυτῷ εὕρῃ μονήν· ὅπως ἀξίως πολιτευόμενοι καί τήν φαιδράν πανήγυριν ταύτην ἐτησίως ἑορτάζοντες, καταξιωθῶμεν τῶν τῆς ἀθανάτου ζωῆς ἀϊδίων ἀγαθῶν ἐπιτυχεῖν. Ὅτι εὐλογητός εἶ εἰς τούς αἰῶνας τῶν αἰώνων. Ἀμήν.
Τῇ αὐτῇ ἡμέρᾳ ἑσπέρας
Κύριε Ἰησοῦ Χριστέ ὁ Θεός ἡμῶν, προαιώνιε Λόγε τοῦ Θεοῦ καί Πατρός, ὁ δι’ ἡμᾶς καί διά τήν ἡμετέραν σωτηρίαν τῇ αὐτοῦ εὐδοκίᾳ, καί τῇ συνεργεῖᾳ τοῦ Ἁγίου Πνεύματος καταδεξάμενος, ὡς ἀγαθός, ἐκ τῆς ἀειπαρθένου Μαρίας, διά τῆς πρός αὐτήν μηνύσεως τοῦ Ἀρχαγγέλου Γαβριήλ, ἀρρήτως σαρκωθῆναι· ὧν ταῖς ἱκεσίαις χαρίτωσον, δεόμεθά σου, καί ἡμᾶς τούς ἀναξίους δούλους σου, ἵνα δυνηθῶμεν, διά τῶν προσκαίρων ἑορτῶν, εἰς μνήμην τῶν ὑπέρ νοῦν θαυμασίων σου ἀνάγεσθαι· καί καθάπερ πιστεύομεν ἀληθῶς Θεοτόκον ταύτην εἶναι, οὕτω καί τῆς ἐπικουρίας αὐτῆς καί ἀντιλήψεως καθ’ ἑκάστην αἰσθανώμεθα, σέ τόν αὐτουργόν τῆς ζωῆς καί σωτηρίας ἡμῶν εὐχαρίστως δοξάζοντες, προσκυνοῦμεν· ὅπως τήν ἁγίαν καί ἱεράν ἡμέραν ταύτην τῆς ἀρχῆς τῶν σωτηρίων ἡμῶν ἐτησίως ἐπιτελοῦντες, καταξιωθῶμεν τῆς μακαρίας ζωῆς ἀπολαῦσαι. Ὅτι εὐλογητός εἶ εἰς τούς ἀπεράντους αἰῶνας τῶν αἰώνων. Ἀμήν.
ΠΗΓΗ: ΜΕΓΑ ΠΡΟΣΕΥΧΗΤΑΡΙΟΝ Α. ΣΙΜΩΝΩΦ. ΕΚΔΟΣΕΙΣ ΒΑΣ. ΡΗΓΟΠΟΥΛΟΥ. (Σελ.570).
Ἡ Εἰκόνα τοῦ κειμένου, ἔχει τεθεῖ ἀπό τόν συντάκτη τῆς ἀνάρτησης.
